Պատկերազարդում Հարութ Թումաղյանի: 

Բարի գալուստ EVN Report նորաստեղծ ամսագիր։ Ձգտելով շատ ավելի խորքային վերլուծությունների՝ ամեն ամիս մենք հայերեն ու անգլերեն հոդվածներ և փոդքաստներ ենք հրապարակելու մեկ թեմայի շուրջ։

Սեպտեմբերի թողարկման առանցքում Հողն է։ Բացի Հայաստանի գյուղատնտեսության ոլորտի մասին պատմող համապարփակ անդրադարձից, դուք հնարավորություն եք ունենալու ծանոթանալ հայկական լոլիկի ստեղծման պատմությանը, ականատեսը լինելու 6000-ամյա ժառանգությամբ գինեգործության վերածննդի, կարդալու սոցիալական ձեռնարկների մասին Տավուշի մարզում, ինչպես և բացահայտելու գյուղատնտեսական մոտիվները հայկական ծեսերում, ավանդույթներում ու երաժշտության մեջ։

Դարեր շարունակ գյուղատնտեսությունը եղել է հայ ժողովրդի կյանքի անբաժան մասը։ Երկրագործությամբ և անասնապահությամբ զբաղվող հայերն իրենց 

կենցաղը, ավանդույթներն ու ծեսերը հյուսել են գյուղատնտեսական առօրյայի շուրջ՝ սերունդներին փոխանցելով ահռելի ազգագրական ժառանգություն։ 

Մեր նորաստեղծ ամսագրի առաջին փոդքասթը հայ ժողովրդի կյանքում գյուղատնտեսության կարևորության, ավանդույթների և աշխատանքային երգերի մասին է։