Պատկերազարդում Հարութ Թումաղյանի:
Վերջին հինգ տարիների ընթացքում արդեն երրորդ անգամ հայ ընտրողները կքվեարկեն խորհրդարանական ընտրություններում: Այս ընտրություններն անցկացվում են երկրի համար ճգնաժամային ժամանակաշրջանում ՝ 2020 թվականի Արցախյան պատերազմից հետո: Հատկանշական է, որ վերջին երեք տասնամյակների ընթացքում ընտրությունների և նախընտրական քարոզարշավների անցկացման կարքը փոփոխությունների են ենթարկվել: Քվեատուփերի լցունումների փաստագրված դեպքերը մնացել են անցյալում, քանի որ հաշվետվողականության նոր միջոցները, ինչպիսիք են ընտրողների նույնականացումը, սկանավորված ցուցակների հրապարակումը և տեղամասերի տեսանկարահանումը թափանցիկության նոր որակ են բերել։
2015 թվականի սահմանադրությամբ նախագահականից խորհրդարանական կառավարման համակարգի անցնելուց ի վեր, 2017 և 2018 թվականների ընտրությունների արդյունքները չբողոքարկվեցին փողոցային ցույցերով։ Թվում է, թե հունիս ամսվա ընտրությունները երկրի պատմության մեջ ամենամրցակցայինն են լինելու:
EVN Report-ի մայիս ամսվա թողարկումը` վերնագրված «Քաղաքական մշակույթ», հայացք է նետում Հայաստանում ժողովրդավարական դրսևորումների զարգացման պատմությանը` 1919 թվականի խորհրդարանական ընտրություններից մինչև մեր օրեր:
Ժողովրդավարացման անտանելի թեթևությունը. Թավշյա էյֆորիայից մինչև հետպատերազմական մելամաղձություն
By Nerses Kopalyan
Վերջին մի քանի տարիներին Հայաստանում քաղաքական մշակույթը զարգացման երեք կարճ, բայց արագ փուլ է անցել՝ մինչև թավշյա հեղափոխությունը, հետհեղափոխական ու 2020 թվականի Արցախյան պատերազմին հաջորդող շրջանները, որոնք էլ փորձում է ուրվագծել հեղինակը։
Հարցումները կեղծ մեծամասնությամբ ընտրության հավանականության օգտին են
By Harout Manougian
Օրերս հրապարակվեցին խորհրդարանական ընտրություններին ընդառաջ հեռախոսային հարցման արդյունքները, որոնք պատգամավորական մանդատների բաշխման բավական խնդրահարույց պատկեր են ուրվագծում՝ «կեղծ մեծամասնության» սցենարի տեսքով։
Խորհրդայինից մինչև անկախություն. Ծաղրանկար
By Միքայել Յալանուզյան
Հայկական մամուլը ծաղրանկարի լավ ավանդույթներ ունի. 19-րդ դարի վերջին և 20-ի սկզբին աշխարհի տարբեր ծայրերում տպագրվում էին հայկական երգիծական թերթեր՝ «Մեղու», «Ցախավել», «Միմոս», «Կիկո», «Մախլաս», «Սև կատու», «Լեպլեպիճի» և այլն: Երգիծական հանդեսներից բացի, ծաղրանկարներով հարուստ էին օրաթերթերն ու ամսագրերը:
1919-ի համապետական ընտրությունները
By Միքայել Յալանուզյան
Հայաստանի առաջին Հանրապետության գոյության երկուսուկես տարիների պատմությունն առավելապես դիտարկվում է կառավարության գործունեության ծիրում։ Հայաստանը 1918-20թթ. խորհրդարանական կառավարում ունեցող պետություն էր սակայն առաջին խորհրդարանական ընտրությունները կազմակերպվեցին 1919-ի հունիսին:
Այսօրուան մեր իրականութիւնը իրատեսութեամբ գնահատելու համար, անհրաժեշտ է քաղաքական բառագիտութիւնը հանել յուզական պարունակէն ու վերադառնալ քաղաքագիտական սահմանումներուն: Քաղաքագիտութեան եւ միջազգային յարաբերութիւններու դասախօս դոկտ. Ասպետ Քոչիկեան կ՚անդրադառնայ պետութիւն, պետականութիւն, ինքնիշխանութիւն հասկացութիւններու քաղաքագիտական ակունքներուն եւ պատմական ձեւափոխութեան:
Այսօրուան մեր իրականութիւնը իրատեսութեամբ գնահատելու համար, անհրաժեշտ է քաղաքական բառագիտութիւնը հանել յուզական պարունակէն ու վերադառնալ քաղաքագիտական սահմանումներուն: Քաղաքագիտութեան եւ միջազգային յարաբերութիւններու դասախօս դոկտ. Ասպետ Քոչիկեան կ՚անդրադառնայ գաղափարախօսութեան դերին, քաղաքագիտական ակունքներուն եւ պատմական ձեւափոխութեան:
