Որպեսզի ժողովրդավարությունը աշխատի անհրաժեշտ է որ քաղաքացիներն իրականացնեն իրենց քաղաքացիական պարտականությունները։ Քաղաքացիական մշակույթը քաղաքական վերաբերմունքի, սովորությունների և վարքագծի միասնությունն է։ Հետևաբար, քաղաքական իրազեկվածությունն ու քաղաքացիական կյանքին մասնակցությունը ապահովում են առաջընթաց և կայունություն: Քաղաքացու իրավունքներն ու պարտականությունները հասկանալը շարունակական գործընթաց է և իր մեջ ներառում է բազմապիսի գործառույթներ` օրենքին ենթարկվելուց և պատասխանատվություն վերցնելուց մինչև ընտրություններին մասկանցելը: Այս ամսվա թողարկումը ներկայացնում է քաղաքացու իրավունքների և պատասխանատվությունների մասին պատմություններ` ներառյալ իրազեկվածության, մարդու իրավունքները պաշտպանելու գործում քաղաքացիական հասարակության դերի և դատական համակարգի մասին:
2018 թվականին, հայաստանյան քաղաքական դաշտում տեղի ունեցած փոփոխությունից հետո հաճախ հնչեցվող հարցերից մեկը դա քաղաքացիական հասարակության դերի մասին հարցադրումն էր, թե ինչ ազդեցություն ունեցան քաղաքացիական շարժումները, ֆորմալ և ոչ ֆորմալ կառույցներն ու խմբերը քաղաքական այդ գործընթացի հասունացման ու իրագործման վրա և ինչպես են շարունակելու իրենց գործունեությունը՝ նոր իրավիճակում։
Որպեսզի ժողովրդավարական հասարակություն գործի, քաղաքացիները պետք է իրացնեն իրենց իրավունքներն ու պարտականությունները: Պետությունը պարտավոր է քայլեր ձեռնարկել անկախ և ուժեղ քաղաքացիական հասարակություն ձևավորելու համար, գրում է Աստղիկ Կարապետյանը:
Արդարադատության համակարգի արդյունավետությունը որոշում է երկրում մարդու իրավունքների նկատմամբ հարգանքի աստիճանը: Մնում է հասկանալ, թե նոր կառավարությունն ի՞նչ քայլեր կձեռնարկի, և արդյո՞ք կկատարվեն ռազմավարական դատաիրավական բարեփոխումները։
Տարիներ ի վեր, գիտակից և ակտիվ քաղաքացիները փորձում են բարձրաձայնել հասարակության առաջ ծառացած, բայց և անտեսված բազմաթիվ խնդիրներ` առճակատվելով պետական կառույցների անտարբերությանն ու երբեմն նաև ընդվզմանը:
Հետպատերազմյան Հայաստանում մեծ մակարդակի խնդիրների կողքին քաղաքացիների շարժումները կարծես թե մղվել են հետին պլան` հարթակը տրամադրելով պետականության կորստի և դրա շուրջ առաջացած մտահոգությունների դիսկուրսին:
Քաղաքացիներ Սեդա Գրիգորյանն ու Լևոն Գալստյանը մտորում են այս և այլ հարցերի շուրջ: