Քսանչորսամյա Տիգրան Գևորգյանն ունի Դաունի համախտանիշ։ Չնայած բոլոր դժվարություններին, որոնց Տիգրանը բախվել է հաշմանդամություն ունենալու պատճառով, իր կամքն ու ոգին նրան հասցրել են մինչև Հատուկ Օլիմպիադայի աշխարհի չեմպիոնի պատվավոր հարթակ։ Այժմ Տիգրանն աշխատում է որպես հատուկ մանկավարժի օգնական ու աջակցում այն երեխաներին, ովքեր իր պես հաղթահարում են տարբեր մարտահարվերներ։