Երևանն ունի իրեն բնորոշ ձայներ։ Իսկ չտեսնող անձանց համար այդ ձայները գործիք են, որոնք օգնում են կողմնորոշվել քաղաքում։
Սիփան Ավետիսյանը տեսողությունը կորցրել է 4 տարեկանում: Երևանը երբեք տեսած չլինելով՝ վերջին ութ տարիներին նա իր սպիտակ ձեռնափայտի օգնությամբ քաղաքում տեղաշարժվում է ինքնուրույն։Նրա հետ քայլել ենք մայրաքաղաքի կենտրոնական փողոցներում, իջել ստորգետնյա Երևան՝ լսելու քաղաքի ձայնը և զգալու Երևանը։ Պատմությունը հարմարեցրել ենք ցանկացած տեսակի հաշմանդամություն ունեցող անձանց համար ու հասանելի դարձրել յուրաքանչյուրին։
